：：Tatlik_新疆维吾尔族门户网：WWW.Tatlik.BiZ：新闻：BBS：电影：MTV：音乐：明星：图片：：

شىنخۇا ئاگېنتلىقىنىڭ سىئول 10-ئاينىڭ 4-كۈنىدىكى تېلېگراممىسىكورىيە بىرلىككە كېلىش مىنىستىرلىكى ئىشخانىسى 4-ئۆكتەبىر چاۋشيەن تەرەپ كورىيىنىڭ چاۋشيەندىكى ئاپەت رايونىنى مۇناسىۋەتلىك ياردەم بىلەن تەمىنلەش ھەققىدىكى تەكلىپىگە ئىنكاس قايتۇرمىغانلىقى ئۇچۇن، چاۋشيەندىكى كەلكۈن ئاپىتىگە ئۇچرىغان رايونغا بېرىلىدىغان ماددىي ئەشيا ياردەم تەرتىپىنى ئاياغلاشتۇرۇشنى قارار قىلدى دېدى.

كورىيە بىرلىككە كېلىش مىنىستىرلىكىنىڭ ئەمەلدارى شۇ كۈنى شىنخۇا ئاگېنتلىقى مۇخبىرىنىڭ تېلېفون زىيارىتىنى قوبۇل قىلغاندا بىلدۈرۈپ، كورىيە تەرەپنىڭ ئەسلىدە چاۋشيەندىكى ئاپەت رايونىنى ياردەم بىلەن تەمىنلەشنى پىلانلىغانلىقىنى، ئەمما چاۋشيەن تەرەپنىڭ بىر ئايغىچە بۇنىڭغا ئىنكاس قايتۇرمىغانلىقىنى، كورىيە تەرەپنىڭ داۋاملىق ساقلىشى تەس بولغانلىقى ئۇچۇن ياردەم بېرىش تەرتىپىنى ئاخىرلاشتۇرغانلىقىنى ئېيتقان.

چاۋشيەننىڭ كاڭۋون دو رايونى بىلەن خۇاڭ خەيداۋ رايونى بۇ يىل يازدا ئېغىر كەلكۈن ئاپىتىگە ئۇچرىغاندىن كېيىن، كورىيە تەرەپ 8-ئايدا چاۋشيەنگە قىممىتى 5مىليارد ۋون (بىر ئامېرىكا دوللىرى 1194ۋونغا تەڭ)كېلىدىغان تۇرمۇشقا كېرەكلىك بۇيۇملار بىلەن داۋالاش دورىلىرى ياردىمى بېرىشنى تەشەببۇس قىلغان.چاۋشيەن تەرەپ كورىيە تەرەپنىڭ ئاشلىق، سېمونت، قۇرۇلۇش ئەسلىھەلىرى قاتارلىق ماددىي ياردەم بېرىشىنى ئۈمىد قىلىدىغانلىقىنى بىلدۈرگەن بولسىمۇ، كورىيە تەرەپ ئەسلىدىكى ياردەم بېرىش لايىھىسىنىڭ ئۆزگەرمەيدىغانلىقىنى بىلدۈرگەن