غەربىي سىبېرىيە كۈچلۈك سوغۇق ھاۋا ئېقىمىنىڭ شەرقتىن جەنۇبقا يۆتكىلىش تەسىرىدە ، باركۆل ناھىيەسىدە 9-ئۆكتەبىر سەھەر سائەت 5:00 دىن باشلاپ قار يېغىپ ، 10-ئۆكتەبىر باركۆل ناھىيەسىنىڭ ئەڭ تۆۋەن ھاۋا تېمېپراتۇرىسى نۆلدىن تۆۋەن ℃3 قا چۈشكەن .

   باركۆل ناھىيەلىك مېتېئورولوگىيە ئىدارىسىنىڭ باشلىقى جو شىشىن : ‹‹قاردىن كېيىن تېمېپراتۇرا داۋاملىق تۆۋەنلەپ ، ئەڭ تۆۋەن تېمپېراتۇرا نۆلدىن تۆۋەن ℃6 ئەتراپىدا بولىدۇ ، بۇ خىل تۆۋەن تېمپېراتۇرىلىق ھاۋا رايى 12-ئۆكتەبىرگىچە داۋاملىشىپ ، 12-ئۆكتەبىردىن كېيىن تېمپېراتۇرا ئاستا-ئاستا ئۆرلەيدۇ››، دېدى .

    باركۆل ناھىيەسىنىڭ كۈزلۈك يىغىم ئىشلىرى ئاساسىي جەھەتتىن ئاخىرلاشقان بولغاچقا ، بۇ خىل تۆۋەن تېمېپراتۇرىلىق ھاۋا رايى دېھقانچىلىق ئىشلەپچىقىرىشىغا ئانچە تەسىر كۆرسىتەلمىگەن .

  بارىكۆل ناھىيەسىدىكى ئىسسىقلىق بىلەن تەمىنلەش شىركىتى 1-ئۆكتەبىردىن باشلاپ ئاممىنى ئىسسىقلىق بىلەن تەمىنلەشكە باشلىغان .