سىنا بېيجىڭ 16-فېۋرال خەۋىرى   مۇخبىرنىڭ بۈگۈن مەملىكەتلىك "شەھۋانىيلىق ۋە قانۇنسىزلىققا زەربە بىرىش" ئىشخانىسىدىن ئىگىلىشىچە، يىقىندا چىڭداۋ شەھىرىدە پاش قىلىنغان توردا شەھۋانى مەزمۇندىكى ئۇچۇرلارنى تارقىتىش دېلوسىدىكى باش جىنايەتچى شىڭ پالانىغا 10 يىللىق مۇددەتلىك قاماق جازاسى بېرىلگەن.

2011-يىلىنىڭ بېشىدا، چىڭداۋ شەھەرلىك مەدەنىيەت بازارى مەمۇرىي ئىجرا ئىدارسى بىر شەھۋانىي مەزمۇندىكى تور بەتنى بايقىغان، بۇ تور بەتكە كۆپ مىقداردا شەھۋانىي مەزمۇندىكى سىن، رەسىم قاتارلىقلار يوللانغان، دېلو بىجىرگۈچى خادىملار ساقچى تەرەپ بىلەن بىرلىكتە جىنايەت گۇماندارى شىڭ پالانىنى قولغا چۈشۈرگەن.

تەكشۈرۈش ئارقىلىق، شىڭ پالانى چىڭدا شەھىرىدىكى ۋاقىتلىق تۇرالغۇسىدا، ئىنتېرنېت تورىدىن پايدىلىنىپ، ئامرىكىدىن مۇلازىمىتېر ئىجارە ئىلىپ ھېلىقى شەھۋانىي مەزمۇندىكى تور بەتنى قۇرۇپ چىققان، ئېلان ھەمكارلىشىش ئارقىلىق، ئېلان ئۇچۇرلىرىنى ئۆزى قۇرغان شەھۋانىي تور بەتكە قويۇپ پايدا ئالغان. تور بېكىتىنىڭ زىيارەت مىقدارىنى ئاشۇرۇش، ئېلان كىرىمىنى ئاشۇرۇش مەقسىتىدە 2010-يىلىنىڭ 4-پەسلىدىن تارتىپ، شىڭ پالانى ھەرخىل شەھۋانىي مەزمۇندىكى ئۇچۇرلارنى ئۆزىنىڭ بىكىتى ئارقىلىق تارقاتقان. ھەمدە تور بېكەتتە " رەسىم رايونى" "ھېكايە رايونى" ۋە "كىنو رايونى" قاتارلىق 3 رايون تەسىسى قىلىپ، كۆپ مىقداردىكى شەھۋانىي رەسىم، ماقالە، سىن ماتىرىياللىرىنى تارقاتقان، زىيارەت مىقدارى مىليون قېتىمدىن ئىشىپ كەتكەن قاتارلىق قىلمىشلىرىنى تەكشۈرۈپ چىققان. باھالاش ئارقىلىق، بۇ تور بەتكە يوللانغان رەسىمنىڭ 703 پارچە، ھىكايىنىڭ 9111 پارچە، سىن ماتېرىياللىرىنىڭ 99 پارچە ئىكەنلىكى ئىسپاتلانغان. يىقىندا چىڭداۋ شەھىرى سىفاڭ رايونلۇق سوت مەھكىمىسى پايدا ئىلىش مەقسىتىدە شەھۋاني بويۇملارنى تارقىتىش جىنايىتى بويىچە شىڭ پالانىغا مۇددەتلىك 10 يىللىق قاماق جازاسى بەرگەن، ھەمدە 20 مىڭ يۈەن جەرىمانە قويغان.